Contact Info
Yuav Rov Qab Cuv Npe Kom Tau Cov Xas ua Tshuaj Kho Mob Li Cas
Cov neeg mob es tau cuv npe rau lub chaw siv xas ua tshuaj kho yuav tsum tau rov qab cuv npe dua txhua lub xyoo yog tias lawv tseem xav koom nrog qhov kev pab no ntxiv.
Yog tias koj tus account tas kas nuv lawm, koj yuav tsis muaj npe cuv nyob rau qhov chaw nov lawm thiab yuav tsis pub koj mus nqa xas los ua tshuaj kho mob lawm. Yuav kom pab tau koj npaj rov qab cuv npe ntxiv, peb yuav xa tsab email tuaj ceeb toom qhia kom koj ras li ntawm 60 hnub thiab 30 hnub es ntej kev cuv npe tas kas nuv. Koj yeej mus saib tau hauv koj tus Registry account kom pom tias thaum twg koj qhov kev cuv npe mam li tas kas nuv.
Kuv yuav tsum tau muaj dabtsi thiaj li rov cuv tau npe dua
- Kom ib tug kws kho mob rov muab daim ntawv pov thawj lees paub txog koj qhov kev mob rau hauv lub chaw cuv npe hu ua Medical Cannabis Patient Registry (qhov kev mus ntsib no yeej tham sib ntsib tau hauv xov tooj).
- Ua kom tiav daim ntawv thov cuv npe dua raws qhov link uas xa tuaj rau koj tom qab lees paub txog koj qhov mob lawm.
Koj daim ntawv thov cuv npe yuav muab coj los saib ntawm cov neeg ua hauj lwm ntawm lub Hoob Kas sib xas ua tshuaj hu ua Office of Medical Cannabis. Qhov no tej zaum yuav siv sij hawm ntev li 30 hnub, thiab koj yuav tau txais ib tsab email tuaj ntawm peb tuaj sai li sai tau thaum peb muaj kev pom zoo rau koj daim ntawv thov. Lub Hoob Kas sib xas ua tshuaj hu ua Office of Medical Cannabis cov neeg ua hauj lwm yuav tiv tauj koj es yog sau email rau koj yog tias peb tseem xav tau tej yam ntaub ntawv ntxiv los ntawm koj.
Lwm yam qhia kom paub
- Ncua qhov kev cuv npe kom ntev loso yog daim ntawv pov thawj lees paub txog tus mob mas yeej tsis pub raws li tsab cai hauv lub xeev.
- Kom pom tias leej twg yog tus kws kuaj es muab daim ntawv pov thawj lees paub txoj koj tus mob lub xyoo tas los, nkag mus rau hauv koj tus Registry account thiab tshawb nrhiav kom pom cov ntaub ntawv qhia txog tus kws es muab daim ntawv pov thawj rau koj es yog nyob hauv qab ntawm "Certification Information." Yog tias koj xav tau kev pab nrhiav cov kws kho mob es koom nrog:
- Nug koj pab neeg kho mob los yog pawg neeg tawm suab sawv cev rau koj qhov kev muaj mob.
- Tshawb nrhiav hauv internet, nrog cov vas sab tsim cov tshuaj xas hauv lub xeev Minnesota. (Green Goods and RISE).